29 Mei 00:07
Kaapstad Verander Area

Maandag

20°C / 12°C

Wind 11km/h

Rainfall 0

Humidity 56%

Dinsdag

21°C / 14°C

Wind 8km/h

Rainfall 0

Humidity 48%

Woensdag

20°C / 15°C

Wind 12km/h

Rainfall 0

Humidity 64%

Donderdag

18°C / 14°C

Wind 19km/h

Rainfall 0

Humidity 73%

Vrydag

19°C / 13°C

Wind 14km/h

Rainfall 0

Humidity 66%

Saterdag

18°C / 14°C

Wind 29km/h

Rainfall 0

Humidity 77%

VELDFEITE
Is dit ’n nuwe soort jellievis?

ROBERT ERASMUS van Pretoria vra: Ek het hierdie silinderagtige organisme by Barra-strand langs Mosambiek se kus gesien terwyl ons van ’n boot af gehengel het. Dit was sowat nege dae nadat die gebied deur die sikloon getref is. Dit het vorentoe beweeg deur peristalse en binne-in was ’n klein vissie, wat heel gelukkig en tuis gelyk het. Watse ding is dit?


Die seelewekenner GUIDO ZSILAVECZ antwoord: Dis ’n salp of pelagiese manteldier. ’n Manteldier is ’n baie primitiewe soort kordaal – ’n dier met ’n ruggraat. Hulle is dus baie ver langs verwant aan ons! Steellose manteldiere is meer bekend, soos byvoorbeeld rooiaas. 

Die ruggraat is net teenwoordig in die larwe van die salp, dan lyk die buis glo meer soos ’n paddavis. Salpe is dikwels nie ’n individuele dier nie, maar ’n kolonie, wat optree as een dier, soos dié een.

Die organisme pomp met die peristaltiese bewegings water deur die holte om kos te versamel en  te beweeg. Dis heel voordelig vir ’n vis om binne-in te bly – so kry die vis vars water en ekstra beskerming – die salp kan selfs die vis se reuk en vibrasies verbloem. 

Ek het in Nieu-Seeland een gesien wat ’n hele paar meter lank was. Duikers kom soms naby die kus af op hulle, maar hulle kom meestal diepsee voor, want hulle breek maklik teen riwwe. 

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters